وزیر بلدیات بلوچستان صالح بھوتانی سے قلمدان واپس لے لیا گیا

وزیراعلیٰ بلوچستان جام کمال نے صوبائی وزیر بلدیات سردار صالح بھوتانی سے قلمدان واپس لے لیا۔

اس حوالے سے نوٹیفکیشن جاری کردیا گیا ہے۔ بلدیات کا محکمہ اب وزیر اعلیٰ بلوچستان جام کمال کے پاس رہے گا۔

علاوہ ازیں گورنر بلوچستان امان ﷲ خان یاسین زئی کو وزیراعظم کا خط موصول ہوگیا ہے۔

ذرائع کے مطابق وزیراعظم کا خط ملنے کے بعد گورنر بلوچستان نے اپنے عہدے سے مستعفی ہونے کا فیصلہ کیا ہے۔ گورنر بلوچستان اپنا استعفیٰ وزیراعظم کو پیش کریں گے۔

بشکریہ جنگ