وفاقی کابینہ میں تین نئی تقرریوں کا نوٹیفیکیشن جاری
وفاقی کابینہ میں تین نئی تقرریوں کا نوٹیفیکیشن جاری کردیا گیا ہے۔
رکن قومی اسمبلی فرخ حبیب وزیر مملکت برائے اطلاعات و نشریات مقرر کیا گیا ہے جنہوں نے اپنے عہدے کا حلف صدرِ مملکت سے لیا۔
نوٹیفیکیشن کے مطابق عثمان ڈار کو دوبارہ وزیراعظم کے معاون خصوصی برائے یوتھ افیئرز مقرر کیا گیا ہے جبکہ ڈاکٹر وقار مسعود وزیراعظم کے معاون خصوصی خزانہ و ریونیو مقرر کیا گیا ہے۔
ڈاکٹر وقار مسعود اس سے قبل وزیراعظم کے معاون خصوصی ریونیو تھے، کابینہ ڈویژن نے تینوں تقرریوں کے نوٹی فکیشن جاری کردیے ہیں۔
یاد رہے چند ہفتے قبل وزیراعظم عمران خان نے کابینہ میں ردوبدل کیا تھا، جس میں شوکت ترین کو حماد اظہر کی جگہ وزارت خزانہ کی ذمہ داری سونپی گئی جبکہ فواد چوہدری کو وزارت اطلاعات کا قلمدان دے کر شبلی فراز کو وزیر سائنس و ٹیکنالوجی بنایا گیا تھا۔
بشکریہ جنگ
Comments are closed.