اپواء کالج کراچی کے عملے کے 32 افراد کورونا وائرس میں مبتلا

کراچی کے اپواء گورنمنٹ گرلز کالج کے عملے کے کورونا وائرس کے ٹیسٹ کے نتائج سامنے آگئے، دستاویزات کے مطابق کالج کے عملے کے 32 افراد کورونا وائرس میں مبتلا ہیں۔

محکمۂ تعلیم کے مطابق اپواء گورنمنٹ گرلز کالج کے عملے کے کورونا وائرس میں مبتلا افراد کو قرنطینہ کر دیا گیا ہے۔

اس سے قبل سر سید گر لزکالج میں 58، شہید ملت کالج میں 21 افراد کاکورونا وائرس کا ٹیسٹ مثبت آ چکا ہے۔

دوسری جانب سندھ پروفیسرز اینڈ لیکچررز ایسوسی ایشن (سپلا) نے کالجوں میں کورونا وائرس کے ٹیسٹ بڑھانے کا مطالبہ کیا ہے۔

سپلا کے مطابق جن کالجوں میں کورونا وائرس کے ٹیسٹ زیادہ مثبت ہیں، وہاں تدریس معطل کی جائے۔

بشکریہ جنگ