کورونا کے باعث ہیلتھ سسٹم پر دباؤ بڑھ رہا ہے، وزیرصحت سندھ

وزیرصحت سندھ ڈاکٹر عذرا پیچوہو  کا کہنا ہے کہ کورونا وائرس  کے باعث ہیلتھ سسٹم پر دباؤ بڑھ رہا ہے، کراچی اور حیدرآباد میں کورونا کا پھیلاؤ بڑھ سکتا ہے۔

جیو نیوز کے پروگرام ’جیو پاکستان‘ میں گفتگو کرتے ہوئے عذرا پیچوہو نے کہا کہ ہم نے تجویز دی تھی کہ بین الصوبائی ٹرانسپورٹ پر پابندی لگائی جائے، جو نہیں مانی گئی۔

صوبائی وزیر صحت نے کہا کہ ایکسپو سینٹر بند ہے، ضرورت پڑنے  پر اسے 24 گھنٹوں میں آپریشنل کرسکتے ہیں۔

 ڈاکٹر عذرا پیچوہو نے کہا کہ کورونا کا پھیلاؤ روکنے کیلئے کچھ سیکٹرز پر پابندی لگائی گئی ہے، اگر ضرورت پڑی تو کراچی کے کچھ اضلاع میں لاک ڈاؤن کریں گے۔

بشکریہ جنگ