اب اسرائیل کو تسلیم کرنے کی کوئی جرأت نہیں کریگا: علامہ عارف حسین واحدی

علامہ عارف حسین واحدی کا کہنا ہے کہ  اب اسرائیل کو تسلیم کرنے کی کوئی جرأت نہیں کرے گا۔

ملکی یکجہتی کونسل کے اجلاس سے علامہ عارف واحدی نے خطاب کرتے ہوئے کہا ہے کہ اسرائیل صرف کاغذی شیر نکلا، گریٹر اسرائیل کا خواب اب خاک میں مل چکا ہے۔

انہوں نے مزید کہا کہ فلسطینی عوام کی مزاحمت، مظلومیت نے دنیا میں بیداری کی تحریک پیدا کر دی ہے، فلسطینی مظلومیت جدید ترین اسلحے پر غالب آ چکی ہے۔

علامہ عارف واحدی کا کہنا ہے کہ غلاموں کا آزادی کی جنگ میں کوئی حصہ نہیں ہوتا۔

اُن کا مزید کہنا ہے کہ سب کو اسرائیل کو تیل، تجارتی سامان، فضائی حدود دینے والے ممالک کی بھی مذمت کرنی چاہیے۔

علامہ عارف واحدی نے یہ بھی کہا ہے کہ اسلامی ممالک صرف ایک اعلان کر دیں ہم اسرائیل کے خلاف صف آراء ہیں تو غاصب ریاست پیچھے ہٹ جائے گی۔

بشکریہ جنگ