کراچی، مبینہ پولیس مقابلے میں 3 ملزمان ہلاک

کراچی کے علاقے نیپئر میں مبینہ پولیس مقابلے میں 3 ملزمان ہلاک ہوگئے۔

رپورٹس کے مطابق مقابلے کے دوران فائرنگ کی زد میں آکر ایک شہری بھی زخمی ہوا ہے۔

پولیس کا کہنا ہے کہ ملزمان عیدگاہ کے علاقے میں شہری سے لوٹ مار کرکے فرار ہورہے تھے، اطلاع پر ملزمان سے مقابلہ ہوا۔

ہلاک ملزمان کی لاشیں اسپتال منتقل کردی گئیں، تاحال ملزمان کی شناخت نہیں ہوسکی۔

بشکریہ جنگ