بھارتی پولیس کے سامنے مداح کا پاکستان اور ٹیم سے اظہارِ محبت

بھارت میں موجود مداح نے بھارتی پولیس کے سامنے پاکستان اور قومی ٹیم سے محبت کا اظہار کر دیا۔

سوشل میڈیا پر سامنے آنے والی ویڈیو کے مطابق ایئر پورٹ پر موجود بھارتی مداح پاکستانی کھلاڑیوں کی ویڈیو بنانے پہنچ گیا۔

اس دوران پاکستانی کھلاڑیوں کے ساتھ بھارتی سیکیورٹی اہلکار بھی موجود تھے۔

ایئر پورٹ پر موجود مداح نے پاکستانی کھلاڑیوں کو سلام کیا اور کہا کہ ہم پاکستان سے محبت کرتے ہیں، ہمیں آپ سے بھی پیار ہے سر۔

اس دوران پاکستان کرکٹ ٹیم کے کھلاڑیوں نے مداح کو بہت ہی محبت کے ساتھ جواب دیا۔

واضح رہے کہ ورلڈ کپ میں پاکستان ٹیم کا اگلا (تیسرا) میچ بھارت کے خلاف 14 اکتوبر کو احمد آباد میں شیڈول ہے۔

بشکریہ جنگ