نواز شریف نے آج بھی واپسی کی تاریخ نہیں بتائی

پاکستان مسلم لیگ (ن) کے قائد اور سابق وزیراعظم نواز شریف نے آج بھی وطن واپسی کی تاریخ نہیں بتائی۔

لندن میں صحافی نے نواز شریف سے پاکستان واپسی سے متعلق سوال کیا۔

خواجہ آصف نے کہا کہ حلقہ بندیوں کی وجہ سے الیکشن میں2 سے 3 ماہ کی تاخیر ہوگی۔

نواز شریف سے جب اُن کی پاکستان واپسی سے متعلق سوال ہوا تو اُن کا جواب تھا کہ بتائيں گے آپ کو۔

سابق وزیراعظم سے ایک اور سوال ہوا کہ کیا ن ليگ کی انتخابی مہم کی قیادت کریں گے، تو  نواز شریف نے جواب دیا کہ ان شاء اللّٰہ۔

دوسری جانب مسلم لیگ ن کے رہنماؤں کی جانب سے نواز شریف کے جلد پاکستان آنے سے متعلق  دعوے کیے جا رہے ہیں۔

مسلم لیگ (ن) کی چیف آرگنائزر مریم نواز نے کہا ہے کہ نوجوان تیاری کرلیں، پارٹی قائد نواز شریف جلد ہمارے درمیان ہوں گے۔

خواجہ آصف نے کہا کہ حلقہ بندیوں کی وجہ سے الیکشن میں 2 سے 3 ماہ کی تاخیر ہوگی، ہماری حکمت عملی یہ ہوگی نواز شریف واپس آکر الیکشن مہم کی قیادت کریں۔

بشکریہ جنگ