ایشیا کپ سے قبل پی سی بی ہیڈکوارٹر میں اہم اجلاس

ایشیا کپ سے قبل پاکستان کرکٹ بورڈ ہیڈکوارٹر میں اہم اجلاس ہوا ہے۔

ذرائع کے مطابق اجلاس میں پنجاب حکومت، ضلعی انتظامیہ اور دیگر اداروں کے نمائندے شریک ہوئے۔

پاکستان کرکٹ بورڈ کے ترجمان کا کہنا ہے کہ آئندہ ہفتے سینٹرل کنٹریکٹ کا اعلان کردیا جائے گا، پی سی بی اور کھلاڑیوں کے درمیان کسی بھی قسم کے اختلافات نہیں ہیں۔

اس حوالے سے ذرائع کا کہنا ہے کہ اجلاس میں پنجاب حکومت اور پی سی بی کے درمیان مختلف پہلوؤں پر گفتگو ہوئی۔

واضح رہے کہ قذافی اسٹیڈیم لاہور میں ایشیا کپ کے 3 میچز شیڈول ہیں جبکہ ماضی میں پاکستان سپر لیگ کے دوران لائٹس اور دیگر اخراجات پر پی سی بی اور پنجاب حکومت میں تنازع ہوا تھا۔

بشکریہ جنگ