رضوانہ تشدد کیس: جے آئی ٹی نے ویڈیوز فارنزک کیلئے لاہور بھجوا دیں
کمسن گھریلو ملازمہ رضوانہ تشدد کیس کی مشترکہ تحقیقاتی ٹیم (جے آئی ٹی) نے 3 ویڈیوز فارنزک کے لیے لاہور بھجوا دیں۔
ذرائع کے مطابق جج عاصم حفیظ کے گھر کے باہر کی 26 نومبر کی سی سی ٹی وی ویڈیوز فارنزک کے لیے بھجوا دی گئی ہیں۔
اسلام آباد اور سرگودھا کے بس اڈوں کی سی سی ٹی وی ویڈیوز بھی فارنزک کے لیے بھجوائی گئی ہیں۔
دوسری جانب تھانہ ہمک کے تفتیشی افسر آج رضوانہ کا بیان لینے لاہور جائیں گے۔
ذرائع کا کہنا ہے کہ تفتیشی افسر کے ساتھ جے آئی ٹی ممبران بھی لاہور جائیں گے۔
بشکریہ جنگ
Comments are closed.