فوٹوگرافرز کا جارحانہ رویہ، ملائیکہ اروڑا گھبرا کر گاڑی میں جا بیٹھیں

ملائیکہ اروڑا آج شب ممبئی کے ایک سیلون سے باہر نکلیں تو فوٹوگرافرز نے نہایت جارحانہ انداز میں ان کی تصاویر لینے کی کوشش کی۔

انسٹاگرام پر جاری ہونے والی ویڈیو میں دیکھا جاسکتا ہے کہ ملائیکہ اروڑا ایک چبوترے پر چل رہی ہیں، انہوں نے ہلکی بارش کی وجہ سے چھتری بھی تھام رکھی ہے۔

ملائیکہ چبوترے سے اتر کر گاڑی کی طرف جا رہی تھیں کہ اسی اثنا میں ایک فوٹوگرافر قریب سے ان کی تصویر لینے کے چکر میں کچھ سامان سے ٹکرا جاتا ہے۔

اس اچانک افتاد سے ملائیکہ ایک دم گھبرا گئیں، ان کے چہرے کے تاثرات بدلے  اور انہوں نے ایک دبی دبی سی چیخ بھی ماری۔

بعد ازاں ملائیکہ نے کوئی بھی پوز دیے بغیر گاڑی میں بیٹھنے کو ہی عافیت سمجھی۔

بشکریہ جنگ