پیپلز پارٹی کا انتخابی اصلاحات پر حکومت کے ساتھ تعاون کا اعلان

پاکستان پیپلز پارٹی (پی پی پی) نے انتخابی اصلاحات پر حکومت کے ساتھ ہر ممکن تعاون کرنے کا اعلان کردیا۔ 

پارلیمنٹ ہاؤس میں میڈیا سے گفتگو کرتے ہوئے سینیٹ میں اپوزیشن لیڈر یوسف رضا گیلانی کا کہنا تھا کہ انتخابی اصلاحات ضروری ہیں، ہر تعاون کے لیے تیار ہیں۔

یوسف رضا گیلانی نے کہا کہ اسپیکر قومی اسمبلی اسد قیصر نے انتخابی اصلاحات اور ایوان کی کارروائی کے لیے تعاون مانگا۔

جب ان سے سوال کیا گیا کہ کیا آپ کا 6 آزاد اراکین سے رابطہ ہے جس پر انھوں نے جواب دیا کہ وہ آزاد اراکین پارلیمنٹ کے ساتھ مسلسل رابطے میں ہیں۔ 

سینیٹر یوسف رضا گیلانی نے کہا کہ ہم چاہتے ہیں کہ پارلیمنٹ کا ماحول اچھا ہونا چاہیے۔

انھوں نے مزید کہ اسپیکر قومی اسمبلی سے کہا کہ ایسا ماحول بنائیں جہاں ہر رکن کو اظہارِ رائے کی آزادی ہو۔

بشکریہ جنگ