اینٹی کرپشن کیس، پرویز الہٰی کی حفاظتی ضمانت کا تحریری حکمنامہ جاری

لاہور ہائی کورٹ نے اینٹی کرپشن کے کیس میں پی ٹی آئی کے مرکزی صدر چوہدری پرویز الہٰی کی حفاظتی ضمانت کا تحریری حکم نامہ جاری کر دیا۔

جسٹس طارق سلیم شیخ نے اینٹی کرپشن کے مقدمے میں ضمانت کا حکم نامہ جاری کیا۔

لاہور ہائی کورٹ نے تحریری حکم نامے میں کہا ہے کہ پرویز الہٰی کی 6 مئی تک 50 ہزار کے مچلکوں کے عوض حفاظتی ضمانت منظور کی۔

سابق وفاقی وزیر مونس الہٰی نے پی ٹی آئی کے مرکزی صدر چوہدری پرویز الہٰی کے گھر پر چھاپے کی ویڈیو شیئر کردی۔

عدالت نے کہا کہ پرویز الہٰی 6 مئی یا اس سے قبل متعلقہ عدالت سے ضمانت کے لیے رجوع کریں۔

جسٹس طارق سلیم شیخ نے کہا کہ لاہور ہائی کورٹ کا حکم 6 مئی دن ساڑھے 12بجے تک ختم ہو جائے گا۔

بشکریہ جنگ