گورنر غلام علی کا صوبے میں الیکشن کے التواء سے متعلق چیف الیکشن کمشنر کو خط

گورنر خیبرپختونخوا غلام علی نے صوبے میں الیکشن کے التواء سے متعلق چیف الیکشن کمشنر کو خط لکھ دیا۔

گورنر خیبر پختونخوا نے چیف الیکشن کمشنر کو صوبے میں الیکشن 8 اکتوبر 2023کو کرانے سے متعلق خط لکھ دیا۔

صدر عارف علوی نے وزیراعظم کے نام خط میں کہا کہ وفاقی اور صوبائی حکومتوں کو انسانی حقوق کی پامالی سے باز رہنے کی ہدایت کی جائے۔

گورنر غلام علی نے خط میں کہا کہ صوبے میں روزانہ کی بنیاد پر دہشت گردی کی کارروائی میں اضافہ ہو رہا ہے۔

خط میں گورنر نے مزید کہا کہ جنوبی وزیرستان میں سرحد پار سے فائرنگ ہوئی جبکہ کوہات میں آرمی کی گاڑی پر بھی حملہ ہوا ہے۔

گورنر غلام علی نے چیف الیکشن کمشنر کے نام لکھے گئے خط میں یہ بھی کہا کہ جنوبی وزیرستان میں بھی دہشت گردوں کے ساتھ فائرنگ کا تبادلہ ہوا جبکہ باڑہ پولیس اسٹیشن پر بھی دہشت گردوں نے فائرنگ کی۔

خط میں کہا گیا کہ الیکشن کمیشن نے پنجاب کے انتخابات کو 8 اکتوبر تک ملتوی کیا ہے، خیبر پختونخوامیں بھی صوبائی اسمبلی کے الیکشن ملتوی کیے جائیں۔

گورنر خیبرپختونخوا کا کہنا تھاکہ ڈی آئی خان میں بھی پولیس اسٹیشن پر حملہ ہوا، حملوں میں 21مارچ کو 3 فوجی شہید ہوئے۔

گورنر غلام نے کہا کہ جنوبی وزیرستان میں بریگیڈیئر مصطفیٰ کمال برکی کے قافلے پر حملہ ہوا، حملے میں بریگیڈیئر شہید اور 7 افراد زخمی ہوئے۔

بشکریہ جنگ