عدالت نے پولیس کو قانون کے مطابق تفتیش کیلئے رسائی کی اجازت دے دی

لاہور ہائیکورٹ میں پولیس کی 14 اور 15 مارچ کے واقعات پر تفتیش کیلئے رسائی کی درخواست پر سماعت ہوئی، عدالت نے پولیس کو قانون کے مطابق تفتیش کیلئے رسائی کی اجازت دے دی۔

عمران خان کے وکیل نے عدالت میں استدعا کی کہ ایس ایس پی زیادہ فورس نہیں لے کر جائیں۔

عمران خان نے کہا کہ یہ نان کرکٹ سینچری ہوگی۔

جسٹس طارق سلیم شیخ نے استفسار کیا کہ کیا میں تفتیش کو کنٹرول کر سکتا ہوں؟

عمران خان کے وکیل نے کہا کہ مقدمے کا تفتیشی جا کر تفتیش کر لے۔

عدالت نے کہا کہ قانون کہتا ہے سمن بھیجے جس کی تعمیل نہیں ہوتی، تاثر جاتا ہے کہ ریاست کی رٹ نہیں ہے، ایسی پرابلم دوبارہ نہ ہو۔

عمران خان نے کہا کہ ہمارے تو نام میں ہی انصاف ہے، مجھے 18 مارچ کا پتہ تھا، یہ پہلے لینے آ گئے۔

پی ٹی آئی چیئرمین عمران خان کے وکیل نے کہا کہ رانا ثناء اللّٰہ پر بھی کیس ہے، اس کا کیا ہوا؟ جسٹس طارق سلیم شیخ نے کہا کہ وہ کیس جب میرے پاس ہوگا تو دیکھیں گے، میں پولیس آپریشن والی درخواست بھی نمٹا رہا ہوں۔

جسٹس طارق سلیم شیخ نے کہا کہ اس میں یہی ہدایات ہوں گی کہ پولیس کے ساتھ تعاون کریں۔

بشکریہ جنگ