پی ٹی آئی کا لاہور میں عدلیہ بچاؤ ریلی ختم کرنے کا اعلان
پاکستان تحریک انصاف (پی ٹی آئی) نے آج لاہور میں عدلیہ بچاؤ ریلی ختم کرنے کا اعلان کر دیا۔
پی ٹی آئی قیادت نے کارکنوں کو گھروں کو واپس جانے کی ہدایت کردی۔
تحریک انصاف رہنماؤں نے مؤقف دیا کہ وہ حکومت کو انتشار پھیلانے کا موقع دینا نہیں چاہتے۔
زمان پارک لاہور میں پولیس اور پی ٹی آئی کارکنوں میں آنکھ مچولی چلتی رہی۔
کارکنوں کی جانب سے پولیس پر پتھراؤ کیا گیا، جواب میں پولیس نے لاٹھی چارج اور شیلنگ کا استعمال کیا، کئی گاڑیوں کے شیشے بھی ٹوٹ گئے۔
واضح رہے کہ پی ٹی آئی رہنما فواد چوہدری کا کہنا تھا کہ عمران خان عدلیہ سے اظہار یکجہتی کیلئے آج لاہور میں ریلی کی قیادت کریں گے۔
فواد چوہدری کا کہنا تھا کہ ایک ایجنڈے کے تحت تحریک انصاف کی لیڈرشپ پر جعلی پرچے کروائے جارہے ہیں۔
بشکریہ جنگ
Comments are closed.