گوجرانوالہ: پتنگ بازوں کو 90 روز تک نظربند رکھنے کیلئے گرفتاریاں شروع، 6 زیر حراست

گوجرانوالہ میں پتنگ بازوں کی گرفتاریاں شروع کردی گئیں، جبکہ 6 افراد کو گرفتار کرلیا گیا ہے۔ 

سی پی او ایاز سلیم کا کہنا ہے کہ 3 ایم پی او کے تحت گرفتار ملزمان کو 90 روز تک نظربند کیا جائے گا۔

انہوں نے بتایا کہ شہر میں 6 ملزمان کو گرفتار کر کے 90 روز کےلیے جیل بھجوا دیا گیا ہے۔

سی پی او نے کہا کہ پولیس کی سفارش پر ڈپٹی کمشنر نے ملزمان کو 3 ایم پی او کے تحت جیل بھجوانے کا حکم دیا ہے۔

ان کا کہنا تھا کہ گرفتار افراد پتنگ اور دھاتی ڈور بنانے کے ریکارڈ یافتہ ملزمان ہیں۔

انہوں نے مزید کہا کہ بسنت منانے، پتنگیں اور ڈور بنانے والے افراد کے خلاف آپریشن کیا جا رہا ہے۔

بشکریہ جنگ