امریکا: سان فرانسسکو میں سرد موسم کا نیا ریکارڈ بننے کا امکان
امریکی شہر سان فرانسسکو میں برفانی طوفان کے نتیجے میں سرد موسم کا نیا ریکارڈ بننے کا امکان ہے۔
غیر ملکی خبر رساں ادارے مطابق امریکا کی ریاست کیلی فورنیا کے کچھ حصے برفانی طوفان کی زد میں ہیں، لاس اینجلس میں بلند مقامات پر برفباری اور دیگر حصوں میں بارشوں کا سلسلہ جاری ہے۔
لاس اینجلس میں کئی اہم شاہراہیں پانی میں ڈوبنے یا برف باری کے باعث بند ہیں جبکہ تقریباً 85 ہزار گھروں اور کاروباری مراکز کی بجلی منقطع ہے۔
میڈیا رپورٹس کے مطابق سیکرامنٹو کے رہائشیوں کو بدھ تک غیر ضروری سفر سے گریز کرنے کی ہدایت کی گئی ہے۔
امریکی میڈیا کے مطابق کیلیفورنیا میں طوفان کے نئے سسٹم سے آج 80 کلو میٹر فی گھنٹہ کی رفتار سے ہوائیں چلنے کا امکان ہے۔
بشکریہ جنگ
Comments are closed.