شاندانہ گلزار پر درج مقدمے پر اسد عمر کا ردعمل

پاکستان تحریک انصاف کے مرکزی سیکریٹری جنرل اسد عمر نے شاندانہ گلزار پر درج مقدمے پر ردعمل دیا ہے۔

اسلام آباد سے جاری بیان میں اسد عمر نے کہا کہ سابق رکن قومی اسمبلی شاندانہ گلزار پر خیالات کے اظہار پر مقدمہ درج کرلیا گیا ہے۔

پی ٹی آئی رہنما شاندانہ گلزار کے خلاف مقدمے میں عوام کو گمراہ کرنے کی دفعہ بھی شامل ہے۔

اسد عمر نے مزید کہا کہ ملک میں دھماکے ہو رہے ہیں اور دہشت گردی تیزی سے پھیل رہی ہے۔

انہوں نے یہ بھی کہا کہ یہاں تحریک انصاف والوں کی تقریریں اور ٹی وی پروگرام صبح شام دیکھ کر مقدمے بنائے جا رہے ہیں۔

بشکریہ جنگ