باپ بننے کے بعد رافیل نڈال کی زندگی کیسے تبدیل ہوئی؟

اسپین کے ٹینس اسٹار رافیل نڈال آسٹریلین اوپن ٹینس کے دوسرے راؤنڈ میں پہنچ گئے ہیں، انگلینڈ کے کھلاڑی کو شکست دینے کے بعد ان کی گفتگو نے انٹرنیٹ پر لوگوں کے دل جیت لیے۔

غیرملکی میڈیا کے مطابق میچ جیتنے کے بعد 36 سالہ رافیل نڈال سے پوچھا گیا کہ والد بن کر آپ کی زندگی کیسے تبدیل ہوئی۔

اس سوال کا جواب دیتے ہوئے رافیل نڈال نے کہا کہ یہ میری زندگی کی سب سے خوبصورت چیز ہے اور میں ان نئے لمحات سے لطف اندوز ہو رہا ہوں۔

انہوں نے بتایا کہ میری اہلیہ اور بیٹا بھی میرے ساتھ آسٹریلیا آئے ہیں۔

سوشل میڈیا پر صارفین کا کہنا ہے کہ والد بننے کے سوال کا جواب دیتے ہوئے رافیل نڈال کی خوشی عیاں تھیں۔

یاد رہے کہ رافیل نڈال کے ہاں اکتوبر 2021 میں بیٹے کی ولادت ہوئی تھی اور وہ آسٹریلین اوپن میں اپنے ٹائٹل کا دفاع کر رہے ہیں۔

بشکریہ جنگ