اپنی پارٹی کو جماعتِ اسلامی کی حمایت کا مشورہ دونگا: فردوس شمیم نقوی

پاکستان تحریکِ انصاف (پی ٹی آئی) کے رہنما فردوس شمیم نقوی کا کہنا ہے کہ میں اپنی پارٹی کو جماعتِ اسلامی کی حمایت کا مشورہ دوں گا۔

’جیو نیوز‘ کے مارننگ شو ’جیو پاکستان‘ میں گفتگو کرتے ہوئے انہوں نے یہ بات کہی ہے۔

فردوس شمیم نقوی کا کہنا ہے کہ پیپلز پارٹی کو کراچی دشمن جماعت سمجھتے ہیں، جماعتِ اسلامی نے کوئی ضمنی الیکشن نہیں لڑا ہے۔

امیرِ جماعتِ اسلامی کراچی حافظ نعیم الرحمٰن کا کہنا ہے کہ ہم محنت کر کے نمبر ون پارٹی کے طور پر سامنے آ گئے ہیں، ہماری کوشش ہے کہ ہم اکیلے ہی بلدیہ کا نظام سنبھا لیں۔

ان کا مزید کہنا ہے کہ ملک میں جمہوریت آخری سانس لے رہی ہے، الیکشن کمیشن آف پاکستان ہماری حمایت میں نہیں ہے۔

پاکستان تحریکِ انصاف (پی ٹی آئی) کے رہنما فردوس شمیم نقوی کا یہ بھی کہنا ہے کہ انتخابی نتائج کو تسلیم نہیں کرتے، ہم کسی سے اتحاد نہیں کریں گے۔

بشکریہ جنگ