پیپلز پارٹی کی جیت پر حیرت کا بیانیہ بنانے والوں پر حیران ہوں، ناصر حسین شاہ

پاکستان پیپلز پارٹی (پی پی پی) کے رہنما اور سندھ کے وزیر بلدیات سید ناصر حسین شاہ نے میڈیا پر بیانیہ بنانے کے حوالے سے اپنے ردعمل میں کہا کہ میں میڈیا اور کچھ دوستوں کے بیانیے پر حیران ہوں جو کہہ رہے ہیں کہ کراچی میں اگر پی پی پی جیت گئی تو حیرت ہوگی۔

انہوں نے مزید کہا کہ جب پاکستان تحریک انصاف (پی ٹی آئی) کراچی سے جیتی اور متحدہ ہار گئی تو آپ کو حیرت کیوں نہیں ہوئی؟ 

ناصر حسین شاہ کا کہنا تھا کہ پیپلز پارٹی کے جیتنے پر کچھ خاص لوگوں کو حیرت بھی ہو رہی ہے اور بیانیہ بنانے کی کوشش بھی کر رہے ہیں۔ 

انہوں نے کہا کہ پیپلز پارٹی نے کراچی شہر اور عوام کی خدمت کی ہے، امن بحال کیا اور تعلیمی و  کاروباری سرگرمیاں بحال کی ہیں۔

کراچی میں سڑکوں، راستوں کی تعمیر نو، فلائی اوورز، انڈر پاسسز کی تعمیر اور  اورنج لائن کی تعمیر بھی پی پی پی حکومت نے کی۔

انھوں نے مزید کہا کہ کراچی کے عوام پڑھے لکھے ہیں، وہ جانتے ہیں ان کی خدمت کون کر رہا ہے، ان کے مستقبل کو کون بنا رہا ہے۔ یہ تعصب والا رویہ اور سیاسی پسماندگی انتہائی افسوسناک ہے۔

بشکریہ جنگ