ایم کیو ایم رابطہ کمیٹی کا ہنگامی اجلاس

ایم کیو ایم کے سربراہ خالد مقبول صدیقی کی زیرصدارت رابطہ کمیٹی کا ہنگامی اجلاس جاری ہے جس میں مصطفی کمال، انیس قائم خانی، فاروق ستار، وسیم اختر، خواجہ اظہار اور اراکین رابطہ کمیٹی موجود ہیں۔

رابطہ کمیٹی کے جاری اجلاس میں پنجاب اور سندھ کی صورتحال پر غور کیا جارہا ہے۔

دوسری جانب سندھ حکومت کی طرف سے کراچی، حیدرآباد اور دادو میں الیکشن اچانک ملتوی کیے جانے کے بعد نئی صورتحال پیدا ہوگئی ہے۔

اس معاملے پر ایم کیو ایم پاکستان کی جانب سے کسی قسم کا ردعمل تاحال سامنے نہیں آیا ہے۔

واضح رہے کہ اب سے کچھ دیر قبل پی پی رہنما شرجیل میمن نے کراچی، حیدرآباد اور دادو میں 15 جنوری کو بلدیاتی انتخابات نہ ہونے کا اعلان کیا ہے۔

انہوں نے کہا کہ سندھ حکومت نے ایم کیو ایم کے مطالبات پر شق 10 اے کے تحت حلقہ بندیوں سے متعلق نوٹیفکیشن واپس لیا ہے۔

بشکریہ جنگ