چمن: دھند اور پھسلن سے کار اور ٹریلر میں تصادم،5 افراد جاں بحق

بلوچستان کے ضلع چمن کے قریب دھند اور پھسلن کے باعث کار اور ٹریلر میں تصادم کا واقعہ پیش آیا ہے جس کے نتیجے میں 3 خواتین سمیت 5 افراد جاں بحق ہو گئے۔

چمن کے قریب این 50 ہائی وے پر زیارت کراس کے علاقے میں کار اور ٹریلر کے دریمان پیش آنے والے حادثے میں 5 افراد موقع پر ہی جاں بحق ہو گئے۔

مرنے والوں میں 3 خواتین اور 2 مرد شامل ہیں، کار پنجاب سے کوئٹہ جا رہی تھی۔

فیصل آباد میں دھند کے باعث ٹریفک حادثات میں 3 افراد جاں بحق اور 5 زخمی ہو گئے۔

لیویز ذرائع کا کہنا ہے کہ حادثہ دھند اور پھسلن کے باعث پیش آیا ہے۔

حادثے میں جاں بحق ہونے والے افراد کی لاشیں اسپتال منتقل کر دی گئی ہیں، جہاں ان کی شناخت کی جا رہی ہے۔

بشکریہ جنگ