نمبر ون ٹیم کو شکست دے کر ٹیم کا مورال ہائی ہوگیا، فخر زمان

پاکستان کرکٹ ٹیم کے اوپنگ بیٹر فخر زمان نے کہا ہے کہ نیوزی لینڈ کی ٹیم ون ڈے کی نمبر ون ٹیم ہے، اس کو پہلے میچ میں شکست دیکر ٹیم کا مورال ہائی ہوا۔

جیو نیوز سے خصوصی گفتگو میں فخر زمان نے کہا کہ ٹیسٹ میچز میں وہ نتائج نہیں ملے، جس کی ہم توقع کر رہے تھے لیکن ون ڈے سیریز کا آغاز اچھے انداز میں ہوا۔

نسیم شاہ کیریئر کے ابتدائی چار ون ڈے میں سب سے زیادہ وکٹ لینے والے بولر بن گئے۔

انہوں نے کہا کہ پاکستانی بولرز نے اچھی بولنگ کی، جس کی وجہ سے کیوی ٹیم بڑا اسکور نہیں کرسکی، اس لیے ہم نے بھی زیادہ چانس نہیں لیا۔

پاکستانی بیٹر نے مزید کہا کہ جو پلان بنایا تھا کہ اس کے مطابق بیٹنگ کی، دوسری اننگز میں گیند زیادہ بریک ہو رہی تھی، لیکن بڑا اسکور نہ ہونے کی وجہ سے پاکستان نے آسانی سے کامیابی حاصل کی۔

نیوزی لینڈ کی پاکستان کے خلاف پہلے ون ڈے انٹرنیشنل میچ میں بیٹنگ جاری ہے۔

فخر زمان نے اس امید کا اظہار کیا کہ پاکستان ٹیم نیوزی لینڈ کے خلاف کلین سوئپ کرسکتی ہے، اگر ایسی طرح اپنے پلان پر عمل کرتے رہیں۔

ان کا کہنا تھا کہ اچھا لگتا ہے جب ٹیم کی جیت میں بھی آپ کا کردار ہوتا ہے کوشش ہوگی کہ اس پرفارمنس کو اگلے 2 میچز میں بھی برقرار رکھوں۔

بشکریہ جنگ