نسیم شاہ نے ون ڈے کرکٹ میں منفرد اعزاز اپنے نام کرلیا

پاکستان کے فاسٹ بولر نسیم شاہ نے ون ڈے کرکٹ میں منفرد اعزاز اپنے نام کرلیا۔

نسیم شاہ کیریئر کے ابتدائی چار ون ڈے میں سب سے زیادہ وکٹ لینے والے بولر بن گئے۔

کین ولیمسن بولڈ ہونے کے بعد ہکا بکا نظر آئے، لیکن اگلے ہی لمحے انہوں نے پویلین کی جانب چلنا شروع کردیا۔

نسیم شاہ نے ابتدائی چار ون ڈے میں 15 وکٹیں حاصل کی ہیں۔

خیال رہے کہ نسیم شاہ نے نیوزی لینڈ کے خلاف پہلے ون ڈے میچ میں 5 وکٹیں لیں۔

اس سے قبل آسٹریلیا کے ریان ہیرس اور گیری گلمور نے چار ون ڈے میچز میں 14، 14 وکٹیں لی تھیں۔

پاکستان کی جانب سے ابتدائی چار ون ڈے میچز میں سب سے زیادہ وکٹیں لینے والے بولر عثمان شنواری تھے۔

انہوں نے ابتدائی چار ون ڈے میچز میں 12 شکار کیے تھے۔

بشکریہ جنگ