جج اعظم خان اسپیشل جج سینٹرل تعینات، نوٹیفکیشن جاری

ڈسٹرکٹ اینڈ سیشن جج اعظم خان کو اسپیشل جج سینٹرل تعینات کر دیا گیا جس کا نوٹیفکیشن بھی جاری ہو گیا۔

اسلام آباد ہائی کورٹ کے چیف جسٹس عامر فاروق کی ہدایت پر ایڈیشنل رجسٹرار نے نوٹیفکیشن جاری کیا ہے۔

اعظم خان کو 3 سال کے لیے ڈیپوٹیشن پر اسپیشل جج سینٹرل تعینات کیا گیا اور ان کو اسپیشل جج سینٹرل رپورٹ کرنے کی ہدایت کی گئی ہے۔

واضح رہے کہ اس سے قبل اعظم خان کی خدمات ہائی کورٹ کے سپرد تھیں، ہائی کورٹ سے قبل وہ احتساب عدالت کے جج تعینات رہے۔

بشکریہ جنگ