16 دسمبر، اے پی ایس کے شہدا کی قربانیوں کی یاد دلاتا رہےگا، مریم اورنگزیب

سانحہ آرمی پبلک اسکول پشاور کو 8 برس بیت گئے، وزیراطلاعات مریم اورنگزیب نے اے پی ایس کے شہدا کی آٹھویں برسی پر جاری کردہ پیغام میں کہا ہےکہ 16 دسمبرکا دن آرمی پبلک اسکول کے شہدا کی یاد ہمیشہ دلاتا رہےگا۔

 ان کا کہنا ہے کہ 8 برس گزر جانے کے باوجود آج بھی ہم سانحہ اے پی ایس کونہیں بھول سکے۔ 

اس دن کو یاد کرکے کوئی اپنے آنسو نہیں روک سکتا ، جب بزدل شرپسند عناصر نے نہتے کم سن بچوں پر حملہ کرکے انہیں شہید کیا۔

مریم اورنگزیب نے کہا کہ 16 دسمبرکا دن آرمی پبلک اسکول کے شہدا کی عظیم قربانیوں کی ہمیشہ یاد دلاتا رہےگا ۔

وزیراطلاعات نے مزید کہا کہ سانحہ اے پی ایس کے شہدا نے پوری قوم کو دہشتگردی کےخلاف متحد کیا۔ بحیثیت قوم ہم نے دہشتگردی کو شکست دینے کیلیے طویل سفرطے کیا، ہم پاکستان میں دیرپا امن اور ترقی کی جانب گامزن ہیں۔

بشکریہ جنگ