جب بھی الیکشن ہوئےPDM کی سیاسی موت دیوار پر لکھی ہے، شیخ رشید

عوامی مسلم لیگ کے سربراہ شیخ رشید احمد نے کہا ہے کہ دیر یا سویر جب بھی الیکشن ہوئے پی ڈی ایم کی سیاسی موت دیوار پر لکھی ہے۔

شیخ رشید نے مائیکرو بلاگنگ ویب سائٹ ٹوئٹر پر بیان جاری کیا ہے۔

شیخ رشید احمد کا کہنا ہے کہ  آصف زرداری اور شہباز شریف چلے ہوئے کارتوس ہیں، آصف زرداری سندھ کی فکر کریں، 30جنوری سے پہلے قبل از وقت الیکشن کا فیصلہ ہوجائے گا۔

شیخ رشید نے مزید کہا ہے کہ اعصاب کی جنگ تیز ہو گئی ہے، عمران یہ جنگ جیتے گا، جو عمران خان سے غداری کرے گا اپنی سیاست دفن کرے گا۔

انہوں نے مزید کہا کہ پاکستانی معیشت اور حکومت دونوں ڈوب رہی ہیں، تارکین وطن پاکستانی بینکوں سے پیسے نکلوا کر باہر کے بینکوں میں بھیج رہے ہیں، مہنگائی دوگنی اور زر مبادلہ کم ہوگیا ہے۔

بشکریہ جنگ