کیپٹن ریٹائرڈ صفدر کو انڈا مارنے والا شخص گرفتار
پشاور میں پولیس نے مسلم لیگ نون کے رہنما کیپٹن ریٹائرڈ محمد صفدر کو انڈا مارنے والے شخص کو گرفتار کرلیا ۔
پشاور ہائی کورٹ میں پیشی کے بعد واپسی پر عدالت کے باہر نامعلوم شخص نے کیپٹن(ر) محمد صفدر کو انڈا مارا تاہم انڈہ صفدر کے بجائے کارکن کو جا لگا۔
اس موقع پر کیپٹن ریٹائرڈ صفدر ہاتھ میں اسٹیک لیے اس شخص کی طرف دوڑے تاہم وہ ان کے ہاتھ نہ آسکا، بعد ازاں پولیس نے انڈا مارنے والے شخص کو گرفتار کرلیا۔
واضح رہے کہ چند روز قبل لاہور کی عدالت میں پیشی کے موقع پر وزیراعظم عمران خان کے معاون خصوصی برائے سیاسی روابط شہباز گل پر بھی انڈے اور سیاہی سے حملہ کیا گیا تھا۔
بشکریہ جنگ
Comments are closed.