کرکٹ میچ سے قبل بھارت اور نیوزی لینڈ کے کپتانوں نے سائیکل چلائی
ون ڈے اور ٹی ٹوئنٹی میچوں کی سیریز کھیلنے کے لیے نیوزی لینڈ میں موجود بھارتی ٹیم کے کپتان نے کیوی کپتان کے ساتھ سائیکل چلائی۔
غیرملکی میڈیا کے مطابق ویلنگٹن میں اس سائیکل کو کروکوڈائل بائیک کا نام دیا گیا ہے جو دونوں ٹیموں کے کپتانوں نے ایک ساتھ چلائی۔
بھارت اور نیوزی لینڈ کے درمیان 18 نومبر سے 30 نومبر کے دوران 3 ٹی ٹوئنٹی اور 3 ون ڈے میچز کھیلے جائیں گے۔
دورہ نیوزی لینڈ میں بھارتی ٹیم کی قیادت ہاردک پانڈیا کر رہے ہیں جو کہ ٹی ٹوئنٹی ورلڈکپ میں بھی ٹیم کا حصہ تھے۔
واضح رہے کہ ٹی ٹوئنٹی ورلڈ کپ کے بعد بھارتی ٹیم کے کپتان روہت شرما سمیت کئی سینئر کھلاڑیوں کو نیوزی لینڈ نہیں بھیجا گیا ہے۔
بشکریہ جنگ
Comments are closed.