پاکستان ٹیم کی ذہانت پر رمیز راجہ کی داد

پاکستان کرکٹ بورڈ کے چیئرمین رمیز راجہ نے بابر الیون کی سہ ملکی ٹی ٹوئنٹی سیریز میں جیت پر خوشی کا اظہار کیا ہے۔

سوشل میڈیا پر رمیز راجہ نے لکھا کہ ٹیم نے ایک طریقہ کار اور ذہانت کے ساتھ کامیابی حاصل کی۔

چیئرمین کرکٹ بورڈ نے لکھا کہ پاکستان ٹیم نے ٹیمپرامنٹ کا مظاہرہ کر کے شاندار کامیابی حاصل کی۔

علاوہ ازیں سابق کپتان محمد حفیظ نے بھی قومی ٹیم کی تعریف کرتے ہوئے اسے ٹورنامنٹ جیتنے پر مبارک باد دی۔

واضح رہے کہ پاکستان نے نیوزی لینڈ کو 5 وکٹ سے ہرا کر سہ ملکی T20 سیریز جیت لی، گرین شرٹس نے 164 رنز کا ہدف آخری اوور میں حاصل کیا۔

بشکریہ جنگ