آرٹلری میدان تھانہ کے مال خانے سے پونے تین کروڑ روپے کی چوری کا مقدمہ درج

آرٹلری میدان تھانہ کراچی کے مال خانے میں پونے تین کروڑ روپے کی چوری کے معاملے کا مقدمہ سرکاری مدعیت میں آرٹلری میدان تھانے میں درج کر لیا گیا ہے۔

مقدمے میں ہیڈ محرر عبداللّٰہ تفتیشی افسر گوہر محمود اور ڈیوٹی گارڈ نامزد کیے گئے ہیں۔

مقدمے کے متن کے مطابق 2 فروری کو داؤد پوتہ روڈ پر ایک واردات ہوئی، اس واردات میں ساڑھے تین کروڑ روپے کی رقم ایک سنار سے چھینی گئی۔

مقدمے کے متن میں مزید بتایا گیا ہے کہ کارروائی میں 2 کروڑ 7 لاکھ 75 روپے برآمد کرلیے گئے۔ مال خانے میں رکھی ہوئی رقم گزشتہ روز غائب ہونے کی اطلاع ملی۔

بشکریہ جنگ