پشاور: خواجہ سراؤں پر فائرنگ کا ملزم گرفتار

پشاور میں خواجہ سراؤں پر فائرنگ میں ملوث 1 ملزم اعجاز کو پولیس نے گرفتار کر لیا۔

پولیس کے مطابق ملزم نے 11 ستمبر کو دیگر ساتھیوں کے ساتھ مل کر خواجہ سراؤں پر فائرنگ کی تھی۔

فائرنگ کے نتیجے میں 4 خواجہ سراء اور ڈرائیور زخمی ہوا تھا۔

پشاور میں نامعلوم افراد کی فائرنگ سے 4 خواجہ سرا زخمی ہو گئے۔

زخمی خواجہ سراؤں کو لیڈی ریڈنگ اسپتال منتقل کیا گیا تھا، جبکہ ملزمان فائرنگ کے بعد فرار ہو گئے تھے۔

تھانہ پہاڑی پورہ میں خواجہ سراؤں پر فائرنگ کا مقدمہ زخمی خواجہ سراء ڈولفن آیان کی مدعیت میں درج کیا گیا تھا۔

پولیس نے فائرنگ کرنے والے ملزمان کی گرفتاری کے لیے مختلف مقامات پر چھاپے مارے تھے اور وہ آج ایک ملزم کو گرفتار کرنے میں کامیاب رہی۔

پولیس کے مطابق گرفتار ملزم سے تفتیش کی جا رہی ہے، اس کے دیگر ساتھیوں کو بھی جلد گرفتار کر لیا جائے گا۔

بشکریہ جنگ