میرین ٹرٹلز کنزرویشن نے سبز کچھوؤں کے 35 بچے سینڈزپٹ پر آزاد کر دیے

کراچی میں میرین ٹرٹلز کنزرویشن نے سبز کچھوؤں کے 35 بچے سینڈزپٹ پر آزاد کردیے۔

انچارج میرین ٹرٹلز یونٹ اشفاق علی میمن نے بتایا کہ رواں سیزن کا یہ کچھوؤں کا دوسرا گروپ ہے۔

ان کا کہنا تھا کہ پہلے گروپ میں کچھوؤں کے 65 بچوں کو آزاد کیا گیا تھا۔

انہوں نے کہا کہ کچھوؤں کے انڈے نیسٹنگ ایریا میں 50 دن تک محفوظ رکھے گئے۔

انچارج نے بتایا کہ یکم ستمبر سے اب تک 4 ہزار کے قریب انڈے سینڈزپٹ سے جمع کیے گئے۔

انہوں نے مزید کہا کہ ساحل پر آوارہ کتے، سانپ، نیولے اور دیگر جانور بھی انڈوں کو نقصان پہنچاتے ہیں۔

بشکریہ جنگ