ارشد ندیم نے پاکستان کا سر فخر سے بلند کردیا: وزیرِ اعظم

وزیرِ اعظم شہبازشریف نے کامن ویلتھ گیمز میں گولڈ میڈل جیتنے پر ارشد ندیم کو مبارک باد دیتے ہوئے کہا ہے کہ ارشد ندیم نے پاکستان کا سر فخر سے بلند کر دیا۔

مائیکرو بلاگنگ سائٹ ٹوئٹر پر جاری کیے گئے اپنے بیان میں شہبا ز شریف نے کہا کہ ارشد ندیم کا جذبہ اور محنت نوجوانوں کے لیے سبق آموز ہے۔

وزیرِ اعظم نے کہا کہ ارشد صاحب کو آپ کی شاندار کامیابی پر مبارکباد ہو۔

پاکستان نے 1966 کے بعد کامن ویلتھ گیمز ایتھلیٹکس میں گولڈ میڈل جیتا ہے

واضح رہے کہ پاکستان کا سر فخر سے بلند کرنے والے ایتھلیٹ ارشد ندیم نے جویلین تھرو (نیزہ بازی) میں 90.18 میٹر کی ریکارڈ تھرو کر کے گولڈ میڈل اپنے نام کر لیا ہے۔

1966ء کے بعد کسی پاکستانی ایتھلیٹ نے کامن ویلتھ گیمز میں گولڈ میڈل جیتا ہے۔

بشکریہ جنگ