سکھر: ضریح اقدس کو پرسہ دینے کی کوشش، 6 عزادار جاں بحق

سندھ کے ضلع سکھر کے شہر روہڑی میں 9 محرم الحرام کے جلوس کے موقع پر ضریح اقدس کو پرسہ دینے کی کوشش میں 6 عزادار جاں بحق ہو گئے۔

پولیس کا کہنا ہے کہ پرسہ دینے کی کوشش میں متعدد عزادار زخمی بھی ہوئے جبکہ کئی کی حالت نازک ہے۔

اس حوالے سے پولیس نے بتایا ہے کہ جاں بحق افراد میں سے 1 شخص کی شناخت ہو سکی ہے اور دیگر کی شناخت کا عمل جاری ہے۔

ملک بھر میں 9ویں محرم الحرام کے سلسلے میں مجالسِ عزا اور جلوسوں کا اہتمام نہایت عقیدت و احترام کے ساتھ کیا جا رہا ہے۔

پولیس نے مزید بتایا ہے کہ پرسہ دینے کی کوشش میں شدید زخمی ہونے والے عزاداروں کو روہڑی اسپتال منتقل کر دیا گیا ہے۔

پولیس کے مطابق ضریحِ اقدس کو پرسہ دینے کی کوشش میں سانس رکنے سے کئی عزادار بے ہوش بھی ہوئے، انہیں بھی اسپتال منتقل کیا گیا۔

بشکریہ جنگ