ووٹ کو عزت دو کا کھوکھلا نعرہ اپنی موت آپ مر چکا: پرویز الہٰی

وزیرِ اعلیٰ پنجاب چوہدری پرویز الہٰی کا کہنا ہے کہ ووٹ کو عزت دو کا کھوکھلا نعرہ اپنی موت آپ مر چکا۔

لاہور میں وزیر اعلیٰ پنجاب پرویز الہٰی سے رکنِ پنجاب اسمبلی احسن سلیم بریار نے ملاقات کی۔

اس موقع پر چوہدری پرویز الہٰی نے کہا کہ پاکستان میں صرف دیانتداری کی ہی سیاست چلے گی۔

وزیر اعلیٰ پنجاب چوہدری پرویز الہٰی کا کہنا ہے کہ موجودہ وفاقی حکومت اوورسیز پاکستانیوں کے حقوق کی قاتل ہے۔

انہوں نے کہا کہ عوام نے ضمنی الیکشن میں پاکستان ڈیموکریٹک موومنٹ (پی ڈی ایم) کی منفی سیاست کو دفن کر دیا۔

وزیرِ اعلیٰ پنجاب چوہدری پرویز الہٰی کا یہ بھی کہنا ہے کہ سیاست میں عزت و احترام کے قائل ہیں۔ 

بشکریہ جنگ