الیکشن کمیشن کے فیصلے کے بعد پی ٹی آئی کالعدم تصور ہوتی ہے، شرجیل میمن

وزیر اطلاعات سندھ شرجیل میمن نے کہا ہے کہ الیکشن کمیشن کے فیصلے کے بعد پی ٹی آئی کالعدم تصور ہوتی ہے۔

اپنے بیان میں شرجیل میمن نے کہا کہ عمران خان نے جھوٹا بیان حلفی دیا، سیاسی جماعت کا غیر ملکی فنڈز لینا غیر قانونی ہے۔

صوبائی وزیر نے کہا کہ عمران خان نوجوان نسل کو سڑکوں پر لاتے ہیں، اداروں کی توہین کرتے ہیں، ان کے خلاف بیانات دیتے ہیں۔

انہوں نے کہا کہ پی ٹی آئی کے 13 اکاؤنٹس کی تفصیلات ظاہر نہیں کی گئیں، وفاق الیکشن کمیشن کے فیصلے کے بعد بھی نرمی سے کام لے رہا ہے۔

شرجیل میمن نے کہا کہ عمران خان کا کیس اوپن اینڈ شٹ ہے۔

بشکریہ جنگ