پاکستان ٹیم بیس بال فائیو ایشیاء کپ میں شرکت کریگی

پاکستان ٹیم بیس بال فائیو ایشیاء کپ میں شرکت کرے گی جو 17 سے 19 اگست تک ملائیشیا کے دارالحکومت کوالالمپور میں کھیلا جائے گا۔

بیس بال فائیو ایشیاء کپ ایونٹ میں 9 ٹیمیں شامل ہیں، پاکستان، چائنیز تائپے اور سنگاپور گروپ سی میں مدِ مقابل ہوں گے۔

ملائیشیا، ساؤتھ کوریا، تھائی لینڈ، جاپان، ہانگ کانگ اور فلپائن کی ٹیمیں بھی ایونٹ میں شامل ہیں۔

اس حوالے سے صدر پاکستان بیس بال فیڈریشن سید فخر علی شاہ نے کہا ہے کہ بیس بال فائیو نیا اور شارٹ فارمیٹ ہے۔

کامن ویلتھ گیمز میں پاکستان اور جنوبی افریقا کے درمیان سنسنی خیز ہاکی میچ 2، 2 گول سے برابر ہوگیا۔

انہوں نے کہا کہ فارمیٹ میں مرد و خواتین کھلاڑیوں کی مکسڈ ٹیم حصہ لیں گی۔

سید فخر علی شاہ نے مزید کہا کہ پاکستان ٹیم کا کیمپ 2 اگست سے گوجرنوالہ میں لگے گا۔

اُن کا یہ بھی کہنا ہے کہ بیس بال فائیو کی ورلڈ چیمپئن شپ رواں برس ہو گی۔

بشکریہ جنگ