شیریں ابو عاقلہ بظاہر اسرائیلی فوج کی فائرنگ سے جاں بحق ہوئیں، امریکا

امریکی محکمہ خارجہ کے مطابق الجزیرہ کی خاتون صحافی شیریں ابو عاقلہ بظاہر اسرائیلی فوج کی فائرنگ سے جاں بحق ہوئیں۔

امریکی محکمہ خارجہ کے بیان میں کہا گیا ہے کہ ایسی کوئی بات سامنے نہیں آئی کہ صحافی شیریں ابو عاقلہ کو دانستہ طور پر نشانہ بنایا گیا۔

غیر ملکی میڈیا کی رپورٹ کے مطابق اسرائیل کے وزیر دفاع بینی گینٹز نے کہا ہے کہ اس معاملے پر اسرائیل امریکی اور فلسطینی حکام سے رابطے میں ہے۔

محکمہ خارجہ کا کہنا ہے کہ امریکا گولی کے ابتدائی مقام سے متعلق حتمی نتیجہ نہیں نکال سکتا۔

فلسطینی حکام نے تحقیقات کے لیے شیریں ابو عاقلہ کو لگی گولی امریکا کے حوالے کی تھی۔

یاد رہے کہ شیریں ابو عاقلہ 11 مئی کو اسرائیلی فوج کی فائرنگ سے جاں بحق ہوئی تھیں۔

بشکریہ جنگ