وزیرِ اعظم آج آصف زرداری اور بلاول بھٹو کے اعزاز میں ظہرانہ دینگے

وزیرِ اعظم میاں محمد شہباز شریف آج سابق صدر آصف علی زرداری اور ان کے صاحبزادے، چیئرمین پیپلز پارٹی و وزیرِ خارجہ بلاول بھٹو زرداری کے اعزاز میں ظہرانہ دیں گے۔

ذرائع کے مطابق یہ ظہرانہ وزیرِ اعظم ہاؤس اسلام آباد میں دیا جائے گا۔

ذرائع نے بتایا ہے ظہرانے کے دوران ملک کی سیاسی صورتِ حال پر مشاورت بھی ہو گی۔

سابق صدر آصف علی زرداری اور ان کے صاحبزادے پاکستان پیپلز پارٹی کے چیئرمین بلاول بھٹو زرداری مسلم لیگ نون کے صدر، قومی اسمبلی میں قائدِ حزبِ اختلاف میاں شہباز شریف سے ملنے لاہور میں ان کی رہائش گاہ پر پہنچ گئے۔

ذرائع کا کہنا ہے کہ وزیرِ اعظم شہباز شریف کے ظہرانے میں پیپلز پارٹی سے متعلق ایم کیو ایم کے خدشات پر بات چیت بھی متوقع ہے۔

ذرائع کا یہ بھی کہنا ہے کہ آصف علی زرداری اور بلاول بھٹو زرداری کے اعزاز میں دیے گئے اس ظہرانے میں چیئرمین نیب کی تقرری سمیت مختلف حکومتی امور پر گفتگو بھی متوقع ہے۔

بشکریہ جنگ