بلوچستان کا بجٹ اجلاس دوسری بار مؤخر، آج پھر طلب

بلوچستان کا بجٹ اجلاس دوسری بار مؤخر ہونے کے بعد آج پھر طلب کرلیا گیا۔

بجٹ اجلاس آج سہ پہر 4 بجے طلب کیا جائے گا جس کا نوٹیفکیشن جاری کردیا گیا ہے۔

رپورٹس کے مطابق تاخیر کی وجہ ترقیاتی بجٹ کی ایڈجسٹمنٹ اور حکومتی اراکین کی اسکیموں کو بجٹ کا حصہ بنانا ہے۔

ذرائع کا کہنا ہے کہ بی اے پی کے انٹرا پارٹی الیکشن میں عبدالقدوس بزنجو کی حمایت کرنے والے پارلیمنٹیرینز کی اسکیموں کو بجٹ میں شامل کیا جارہا ہے۔

اس سے پہلے بلوچستان اسمبلی کا بجٹ سیشن 17 جون اور پھر 20 جون کو طلب کیا گیا تھا۔ سرکاری طور پر بجٹ اجلاس مؤخر کرنے کی وجہ وزیراعلیٰ کی مصروفیات کو بتایا جارہا ہے۔

وزیر خزانہ خیبرپختونخوا تیمور سلیم جھگڑا نے اپنی بجٹ تقریر میں بتایا کہ اس سال تاریخی ٹیکس کلیکشن کی گئی، سب سے زیادہ ملازمتوں کے مواقع پیدا کیے گئے۔

واضح رہے کہ بلوچستان کے سوا باقی تین صوبوں کا آئندہ مالی سال کا بجٹ پیش کیا جاچکا ہے۔

بشکریہ جنگ