دو سال میں معیشت کی مضبوطی کیلئے اقدامات کیے ، شاہ محمود

وزیرخارجہ شاہ محمود قریشی کا کہنا ہے کہ جب حکومت ملی تو معاشی اشاریے منفی میں تھے، دو سال کے دوران معیشت کی مضبوطی کے لیے اقدامات کیے ہیں۔

کولمبو میں پاک سری لنکا تجارت و سرمایہ کاری کانفرنس سے خطاب کرتے ہوئےوزیرخارجہ شاہ محمود قریشی نے کہا کہ سی پیک کے باعث خطے میں تجارتی سرگرمیوں میں اضافہ ہوگا۔

مشیر تجارت عبد الرزاق داؤد کا کہنا ہے کہ تجارت اور سرمایہ کاری کانفرنس میں شرکت اعزاز ہے، کانفرنس سے تجارت اور سرمایہ کاری کے شعبوں میں پاک سری لنکا تعاون مزید مضبوط ہوگا۔

شاہ محمود قریشی نے کہا کہ کاروبار میں آسانیاں پیدا کرنے کے لیے دو طرفہ تعاون ناگزیر ہے۔

انہوں نے کہا کہ ہم سری لنکا کی بزنس کمیونٹی کو پاکستان میں کاروبار کی دعوت دیتے ہیں۔

بشکریہ جنگ