تحریک عدم اعتماد کے بعد وزیراعلیٰ پنجاب کا موقف سامنے آگیا

عدم اعتماد کی تحریک کے بعد وزیر اعلیٰ پنجاب عثمان بزدار کا مؤقف سامنے آگیا ہے۔

لاہور سے جاری بیان میں عثمان بزدار نے کہا کہ تحریک عدم اعتماد کا ڈٹ کر مقابلہ کریں گے، اپوزیشن کو وفاق کے ساتھ پنجاب میں بھی عدم اعتماد پر شکست ہوگی۔

وزیراعلیٰ پنجاب نے مزید کہا کہ نمبر گیم میں حکومت کو واضح سبقت حاصل ہے، اپوزیشن سیاسی عدم استحکام پیدا کر کے ملک دشمن عناصر کا ایجنڈا پورا کر رہی ہے۔

انہوں نے یہ بھی کہا کہ اپوزیشن کو صرف اقتدار کی ہوس ہے، ملک میں سیاسی انتشار پھیلانے پر قوم مخالفین کو کبھی معاف نہیں کرے گی۔

عثمان بزدار نے کہا کہ اپوزیشن ساڑھے 3 برس سے رو رہی ہے، آئندہ بھی روتی رہے گی۔

بشکریہ جنگ