بدھ14؍شوال المکرم 1442ھ26؍مئی 2021ء

PTI نے دوست مزاری کو ڈپٹی اسپیکر کے عہدے سے ہٹانے کا فیصلہ کرلیا: فیصل جاوید خان

پاکستان تحریک انصاف کے رہنما فیصل جاوید خان نے کہا ہے کہ ایسا لگا کہ دوست محمد مزاری پی ڈی ایم کے فل بینچ کی سربراہی کریں گے لہٰذا پی ٹی آئی نے ان کو ڈپٹی اسپیکر پنجاب اسمبلی کے عہدے سے ہٹانے کا فیصلہ کر لیا۔

سوشل میڈیا پر جاری بیان میں فیصل جاوید نے کہا کہ ‏سابق گورنر سندھ عمران اسماعیل کے پاس کئی مواقع آئے کہ وہ گورنر راج لگا سکتے تھے لیکن عمران اسماعیل نے جمہوری رویے اختیار کیے۔

فیصل جاوید خان نے کہا کہ ضمنی الیکشن میں شکست فاش سے حکومت سنگین بوکھلاہٹ کا شکار ہے۔

پنجاب حکومت اور اتحادیوں نے ڈپٹی اسپیکر دوست محمد مزاری کے خلاف تحریکِ عدم اعتماد لانے کا فیصلہ کر لیا۔

اُن کا مزید کہنا تھا کہ یہ قوم کسی قسم کے غیرجمہوری راج کی حمایت نہیں کرے گی۔

واضح رہے کہ پنجاب حکومت اور اتحادیوں نے ڈپٹی اسپیکر دوست محمد مزاری کے خلاف تحریکِ عدم اعتماد لانے کا فیصلہ کر لیا ہے۔

بشکریہ جنگ
You might also like

Comments are closed.