PTI رہنماؤں پر توہین مذہب کے مقدمات تشویش ناک ہیں: فرحت اللّہ بابر
پیپلز پارٹی کے رہنما فرحت اللّہ بابر نے پی ٹی آئی رہنماؤں پر توہین مذہب کے مقدمات کو تشویش ناک قرار دیا ہے۔
فرحت اللّہ بابر نے اپنے بیان میں کہا کہ پی ٹی آئی رہنماؤں پر توہین مذہب کے مقدمات کی مذمت کرتا ہوں، ماضی میں ہمیشہ مذہب کے بطورِ ہتھیار استعمال کی بھی مذمت کی ہے۔
اُنہوں نے کہا کہ اب بھی اس کی مذمت کرتا ہوں اور مستقبل میں بھی کروں گا، توہین مذہب قانون کے غلط استعمال کو روکنا ہوگا۔
اُن کا مزید کہنا تھا کہ توہین مذہب قانون کو بطور ہتھیار استعمال نہ کیا جائے، توہین مذہب کے معاملے پر عقل سے کام لیا جائے۔
واضح رہے کہ پی ٹی آئی نے توہین مذہب کے مقدمات کیخلاف اسلام آباد ہائیکورٹ میں درخواست دائر کردی۔
چیف جسٹس اسلام آباد ہائیکورٹ توہین مذہب کے درج مقدمات کیخلاف پاکستان تحریک انصاف (پی ٹی آئی) کی درخواست پر اب سے کچھ دیر بعد سماعت کریں گے۔
بشکریہ جنگ
Comments are closed.