پشاور کے تھانوں میں محرر اسٹاف کے کندھوں پر کیمرے لگانے کا فیصلہ

فوٹو: فائل
پشاور میں شہریوں کے ساتھ پولیس کے رویے میں بہتری لانے اور تھانوں میں شفافیت یقینی بنانے کے لیے محرر اسٹاف کے کندھوں پر کیمرے لگانے کا فیصلہ کر لیا گیا۔
پولیس کے مطابق کندھوں پر نصب کیمروں کے ذریعے تھانوں میں آنے والے سائلین اور محرر اسٹاف کے درمیان ہونے والی گفتگو کی آن لائن مانیٹرنگ کی جائے گی۔
پولیس کا کہنا ہے کہ یہ کیمرے سیف سٹی سسٹم سے بھی منسلک ہوں گے جبکہ کیمروں کی نگرانی سی سی پی او آفس میں بھی کی جائے گی۔
پولیس کے مطابق تھانوں میں محرر اسٹاف کے نامناسب رویے کی صورت میں کیمرے کی ریکارڈ شدہ ویڈیو بطور ثبوت پیش کی جا سکے گی۔
بشکریہ جیو نیوز