اسلام آباد میں سی ڈی اے کا خواتین کیلئے پنک الیکٹرک بس متعارف کرانے کا فیصلہ

پنک بس صرف ورکنگ ویمن، طالبات، بزرگ خواتین کیلئے مختص ہوگی: حکام سی ڈی اے/ فائل فوٹو

اسلام آباد: کیپیٹل ڈیولپمنٹ اتھارٹی نے خواتین کے لیے پنک الیکٹرک بس متعارف کرانے کا فیصلہ کیا ہے۔

سی ڈی اے حکام کے مطابق پنک بس صرف ورکنگ ویمن، طالبات اور بزرگ خواتین کیلئے مختص ہوگی۔

حکام نے بتایا کہ پہلے مرحلے میں 10 مختلف روٹس پر 30 پنک الیکٹرک بسیں چلائی جائیں گی، خواتین کیلئے مختص بس سے سفری مشکلات میں کمی آئے گی۔

حکام کے مطابق اسلام آباد کی الیکٹرک بسوں میں روزانہ سوا لاکھ مسافر سفر کر رہے ہیں۔