جمعہ، 20 نومبر، 2026 · 11 جمادی الثانی، 1448 ہجری

پیرس کے ائیرپورٹ پر ڈرون کی موجودگی کے شبہے میں فلائٹ آپریشن معطل

قومی خبریں
پیرس کے ائیرپورٹ پر ڈرون کی موجودگی کے شبہے میں فلائٹ آپریشن معطل

فرانس کے دارالحکومت پیرس کے مصروف ترین چارلس ڈی گال ایئرپورٹ پر ممکنہ طور پر ڈرون دیکھے جانے کی اطلاع کے بعد پروازوں کی آمدورفت مختصر وقت کے لیے معطل کردی گئی۔

حکام کے مطابق ایئرپورٹ کی فضائی حدود میں ڈرون کی موجودگی کے شبہے پر حفاظتی اقدامات کے تحت پروازوں کا آپریشن فوری طور پر روک دیا گیا۔ تاہم سکیورٹی کلیئرنس ملنے کے بعد کچھ ہی دیر میں معمول کی پروازیں دوبارہ بحال کردی گئیں۔

واضح رہے کہ فرانسیسی قوانین کے تحت ہوائی اڈوں اور حساس تنصیبات کے قریب بغیر اجازت ڈرون اڑانے پر سخت پابندی ہے، کیونکہ اس سے مسافر طیاروں کی سلامتی کو سنگین خطرات لاحق ہوسکتے ہیں۔ حکام واقعے کی مزید تحقیقات کر رہے ہیں۔

بشکریہ روزنامہ جسارت